એક વિદ્યાર્થી, અનેક શિક્ષક

જીવનમાં રોજ શીખું છું હરદમ નવું નવું એ છે નિશાળ, જેમાં રજા આવતી નથી. - અશરફ ડબાવાલા

- હિતેન આનંદપરા

જીંદગીમાં એક લાંબી સફર ઈચ્છિત લક્ષ્ય મેળવવા માટે કરવી પડે. એ મુકામ મેળવ્યા પછી એને ટકાવવાનો હોય. ટકવાનું પણ સુનિશ્ચિત થઈ જાય પછી કોઈ નવું લક્ષ્ય સામે ઊભું કરવું પડે. અનેક પડકારો સામે ટ્રાયલ ઍન્ડ એરર પદ્ધતિથી આપણે શીખતાં જઈએ. એમાં ધગશ સાથે સ્પષ્ટતાની આવશ્યકતા રહે છે. આપણને શું જોઈએ છે એ પ્રશ્ન આપણી હસ્તી શું કામ છે એના જેટલો જ મહત્ત્વનો છે.