விரக்தியில் ஐக்கி! எதிர்க்கும் மாஜி!

"இங்கு வருவதற்கே விருப்பமில்லை அவருக்கு! என்னுடைய விஷயத்தை முடித்துவிட்டுப் போ!" என மாஜி ஒருவர் அழுத்தம் கொடுக்க, எதிர்ப்புகளுக்கு மத்தியில் கோவைக்கு வந்திருக்கிறார் ஈஷா நிறுவனரான ஐக்கி வாசுதேவ்.

- நாகேந்திரன்

எப்பொழுதுமில்லாத அளவில் இந்த முறை ஜக்கியை, ஈஷாவைச் சுற்றி பாலியல் சர்ச்சைகள் வலம் வந்துகொண்டிருக்கின்றன. குறிப்பாக, ஜக்கிக்கு எதிராக காவல்துறையில் குவியும் புகார்கள், கைவிட்டுவிட்ட மத்திய அரசு, தமிழ்நாட்டிலுள்ள சைவ மரபிலுள்ள ஆதீனங்களின் எதிர்ப்பு ஆகியவற்றால் நிலைகுலைந்துபோனார் ஜக்கி. இது அமெரிக்கா, ஆஸ்திரேலியாவிலும் எதிரொலிக்க, ஜக்கியின் பெயர் டேமேஜானது. இழந்த பெயரை சரிக்கட்ட ஏதாவது முயற்சி எடுத்துக்கொண்டிருந்தார் ஜக்கி. இவரின் வலையில் தருமபுரம் ஆதீனம் சிக்க, நேரடியாக ஈஷாவிற்கு வந்து சுற்றிப் பார்த்துவிட்டு, "ஈஷாவில் நூற்றுக்கணக்கான பசுமாடுகள் பராமரிப்பதைக் கண்டு மகிழ்ந்தோம். 'யாவர்க்குமாம் இறைவற்கு ஒரு பச்சிலை' என திருமூலர் கூறிய நான்கு நெறிகளும் கடைப்பிடிக்கப்படுகிறது" எனக் கூறினார் அவர்.

இந்நிலையில், 'உங்களைப்போல மொக்கப் பயல்களுக்கு கவலையில்லை. பொம்பளப் பிள்ளைகளைப் பெத்தவங்களுக்கு தான் கவலை" என தருமபுர ஆதீனத்தை கண்டித்தது சமூக வலைத்தளம்.