అమోయ్ రూ.25 వేల కోట్ల భూ మాయ..!

• రంగారెడ్డి జిల్లాలో వేల కోట్ల విలువైన ప్రభుత్వ భూములకు పట్టాలు కీలక సూత్రాధారిగా పాత కలెక్టర్ డి. అమోయ్ కుమార్ • కోర్టులు, వివాదాలను లెక్క చేయని వైనం

• ప్రభుత్వ, భూదాన్ ల్యాండ్స్ మాయం 

• సప్లిమెంటరీ సెత్వార్ల తయారీకి సహకారం 

అమోయ్కుమార్ (ఫైల్ఫోటో)

• బీఆర్ఎస్ ముఖ్యనేతలకు ఆయాచిత లబ్ధి 

• దగ్గరుండి దొంగలకు సద్దికట్టిన కలెక్టర్ డి. అమోయ్ 

• సంపూర్ణ సహకారమందించిన సీసీఎల్ష అమయ్ అవినీతిలో పాలు పంచుకున్న అప్పటి తహశీల్దార్ వంశీమోహన్, ఏడీ శ్రీనివాసులు 

• రంగారెడ్డి జిల్లాల భూములపై కొత్త సర్కార్ నజర్ పెడితే అవినీతి తిమింగలాల బండారం బయటపడే ఛాన్స్ 

అప్పటి శేరిలింగంపల్లి తహశీల్దార్ వంశీ మోహన్

యధారాజా తధా ప్రజా అంటారు పెద్దలు. ఇది మన ఐఎఎస్ డి. అమోయ్ కుమార్ అక్షరాల పాటించేశారు. బీఆర్ఎస్ ప్రభుత్వ పెద్దలే గంజ దొంగ పనులు చేయగా.. వారికి జీ హుజురు అంటూ అప్పటి రంగారెడ్డి జిల్లా కలెక్టర్ గా పనిచేసిన అమోయ్ ప్రభుత్వ భూములు, భూదాన్ భూములకు పట్టాలిచ్చి పక్కాగా దొంగలకు సద్దికట్టేశారు. నవ్విపోదురుగాక నాకేంటి సిగ్గన్నట్లు ఈయనకు ఇద్దరు అవినీతి సబార్డినేట్ అధికారులు తోడయ్యారు. అమోయ్ కుమార్ కు అప్పటి రంగారెడ్డి జిల్లా శేరిలింగంపల్లి మండలం తహశీల్దార్ వంశీమోహన్, ఏడీ శ్రీనివాసులు తమ సంపూర్ణ సహకారమందించారు. వెరసి రంగారెడ్డి జిల్లాలో అక్రమంగా రూ.వేల కోట్ల విలువైన ప్రభుత్వ భూములకు పట్టాలొచ్చేశాయి. వాటికి అప్పటి బీఆర్ఎస్ సర్కార్ లోని పెద్దలు, వారి బినామీలు యాజమానులయ్యారు.