అండర్ ట్రయిల్ ఖైదీలలో పరివర్తన రావాలి

• క్షణికావేశంతో చేసిన తప్పులకు కుటుంబాలు బలౌతున్నాయి • ఖైదీల మానసిక ఉల్లాసానికి కలర్ టి.వి

• క్రమశిక్షణ కల్గిన ఖైదీలకు బెయిల్ మంజూరయ్యేలా కృషి చేస్తా

• పౌర సరఫరాల శాఖామంత్రి ఎన్.ఉత్తమ్కమార్ రెడ్డి వెల్లడి

• అండర్ ట్రయిల్ ఖైదీల మధ్య నూతన సంవత్సర వేడుకలు

సూర్యాపేట ప్రతినిధి జనవరి 01 (ఆదాబ్ హైదరాబాద్) : అండర్ ట్రయిల్ ఖైదీలలో మానసిక పరివర్తన ఆవశ్యకత ఎంతైనా ఉందని రాష్ట్ర నీటిపారుదల, పౌర సరఫరాల శాఖామంత్రి కెప్టెన్ ఎన్. ఉత్తమ్ కుమార్ రెడ్డి ఆకాంక్షించారు. క్షణికావేశంతో చేసిన తప్పులతో వారి వారి కుటుంబాలు బలౌతున్నాయని ఆయన ఆవేదన వ్యక్తం చేశారు. నూతన సంవత్సర వేడుకల్ని పురస్కరించుకుని మంత్రి ఉత్తమ్ కుమార్ రెడ్డి వినూత్న ప్రక్రియకు తెర లేపారు.ఎటువంటి హంగులు, ఆర్భాటాలు లేకుండా నూతన సంవత్సర వేడుకలు నిర్మావహించేందుకు రూట్ మ్యాప్ రూపొం దించి అమలు పరచడంతో పాటు నూతన సంవత్సర వేడుకలు సమజాభివృద్ధికి దోహద పడేలా ఉండాలన్న సందేశాన్ని ఈ సంవత్సరం ప్రారంభం రోజున ఆయన పంపారు. నూతన సంవత్సర వేడుకల్ని పురస్కరించుకుని బుధవారం ఉదయం మంత్రి ఉత్తమ్ కుమార్ రెడ్డి తాను ప్రాతినిధ్యం వహిస్తున్న హుజుర్నగర్ నియోజకవర్గ కేంద్రంలోని జైల్ను సందర్శించారు. అక్కడ ఆయన అండర్ ట్రయిల్ ఖైదీలతో కలసి సహపంక్తి అల్పాహారం తీసుకున్నారు.