భారీ పెట్టుబడులే లక్ష్యంగా దావోస్ పర్యటన

• తెలంగాణలో పెట్టుబడులకు ఉన్న అనుకూలతలు • వరల్డ్ ఎకనామిక్ ఫోరం వేదిక ద్వారా చాటి చెబుతాం

• ప్రపంచ ఆర్థిక ఫోరం సమావేశానికి వెళ్తున్న బృందం 

• ముఖ్యమంత్రితో పాటు మంత్రులు, పలువురు అధికారులు

హైదరాబాద్ 14 జనవరి (ఆదాబ్ హైదరాబాద్ : తెలంగాణకు భారీఎత్తున పెట్టుబడులను ఆకర్షించడమే ఎజండాగా దావోస్ పర్యటన సాగుతుందని రాష్ట్ర ఐటీ, పరిశ్రమల శాఖ మంత్రి దుద్దిళ్ల శ్రీధర్ బాబు స్పష్టం చేశారు. తెలంగాణలో పెట్టుబడులు పెట్టడానికి ఉన్న అనుకూలతలు, పరిస్థితులను, తమ ప్రాధాన్యతలను వరల్డ్ ఎకనామిక్ ఫోరం వేదిక ద్వారా చాటి చెబుతామని మంత్రి దుద్దిళ్ల శ్రీధర్ తెలిపారు. ఈనెల 15వ తేదీ నుంచి 19వ తేదీ వరకు స్విట్జర్లాండ్ లోని దావోస్ లో జరగనున్న వరల్డ్ ఎకనామిక్ ఫోరం 54వ వార్షిక సమావేశం లో పాల్గొనడానికి సీఎం రేవంత్ రెడ్డి నేతృత్వంలో తెలంగాణ అధికారిక బృందం వెళ్తున్న నేపథ్యంలో సంబంధిత వివరాలను ఆదివారం నాడు రాష్ట్ర ఐటీ, పరిశ్రమల శాఖామం త్రి దుద్దిళ్ల శ్రీధర్ బాబు ఓ ప్రకటనలో పేర్కొన్నారు.