సదువుసెప్పని సారుకు లక్షల్లో జీతం..!

• పాఠశాలకు రాని ఉపాధ్యాయుడు ముదిరెడ్డి • జీతాలు తీసుకోవడం సరే సదువులెందుకు చెప్పరు సారు  • లక్షల్లో జీతం తీసుకుంటూ విధులకు డుమ్మా కొడుతున్న టీచర్లు 

ముదిరెడ్డి నిరంజన్ రెడ్డి (ఎల్ఫోటో)

• వంత పాడుతున్న పలు సంఘాల నాయకులు.. అధికారులు..

• నిర్లక్ష్యం నీడలో తండాలోని ప్రభుత్వ పాఠశాలలోని విద్యార్థులు

• తండా పాఠశాలలను కాపాడాలని గిరిజన సంఘాలు డిమాండ్

 • ఆదాబ్ హైదరాబాద్కు అడ్డంగా దొరికిన ముదిరెడ్డి నిరంజన్ రెడ్డి

హైదరాబాద్ 20 జనవరి (ఆదాబ్ హైదరాబాద్ : చౌటుప్పల్ మండలంలోని లక్కారం ప్రాథమిక పాఠశాలలో ముదిరెడ్డి నిరంజన్ రెడ్డి అనే ఉపాద్యాయుడు ఎంఈఓ, డీఈవో, ప్రజాప్రతినిధుల అండదండలతో పాఠశాలకు వెళ్లకుండా కొన్నెండ్లుగా లక్షల్లో జీతం తీసుకుంటున్నారు. ఈయన వ్యవహారంపై విసుగు చెందిన గ్రామస్తులు అధికారులకు ఫిర్యాదు చేయడంతో.. విచారణ చేయగా పలు ఆసక్తికర విషయాలు బయటపడ్డాయి. గ్రామస్తులు ఉపాద్యాయుడు వద్దంటే వద్దు అని భీష్మించుకుని కూర్చుంటే ఉన్నతాధికారులు ముదిరెడ్డి నిరంజన్ రెడ్డి చౌటుప్పల్ మండలం, దండు మల్కాపురం గ్రామానికి డిప్యూటేషన్ పై పంపారు. నిజానికి ఈ పాఠశాలలో 130 మంది విద్యార్థులకు గాను అక్కడ, అప్పటికే నలుగురు టీచర్లు, ఒక హెడ్మాస్టర్ ఉన్నారు. ఉపాధ్యాయుడు అవసరం లేకున్నా.. సంఘ నాయకులు, అధికారులు, రాజకీయ నాయకుల ప్రోద్భలంతో మల్కాపురం ప్రాథమిక పాఠశాలకు హెడ్మాస్టర్ శ్రీనివాస్ రెడ్డి సహకారంతో గత ఆరు నెలల నుండి పాఠశాల విధులకు హాజరుకాకుండా నెలనెలా లక్షల్లో జీతం తీసుకుంటూ హైదరాబాద్ లో రియల్ ఎస్టేట్ వ్యాపారం చేసుకుంటున్నాడు.ఇతనిలా 16 మందికి పైగా ఉపాధ్యాయులు విధులకు రాకుండా కేవలం జీతాలు తీసుకుంటూ కాలం గడుపుతున్నారని అనధికారిక సమాచారం..