తెలంగాణపై వివక్ష.. కక్ష.

తెలంగాణ రాష్ట్రం పదం లేకుండానే బడ్జెట్ పలుమార్లు ప్రధానికి కలిసి కోరినా గుండుసున్నా

తెలంగాణపై ఉన్న కక్షను బయట పెట్టుకున్న మోడీ

పోలవరం కోసం నిధులు.. పాలమూరుకు ఇవ్వరా

విభజన చట్టంలో తెలంగాణకు ఎందుకీ అన్యాయం

తెలంగాణకు అన్యాయంపై అసెంబ్లీలో తీర్మానం

కిషన్ రెడ్డి రాజీనామా చేయాలని డిమాండ్

బడ్జెట్పై సీఎం రేవంత్ రెడ్డి తీవ్ర విమర్శలు

హైదరాబాద్ 23 జూలై (ఆదాబ్ హైదరాబాద్): కేంద్రం ప్రవేశపెట్టిన వికసిత్ భారత్ 2047 బడ్జెట్ లో తెలంగాణ పట్ల వివక్షతో పాటు కక్షను కూడా ప్రదర్శించారని రాష్ట్ర ముఖ్యమంత్రి రేవంత్రెడ్డి అన్నారు. గతంలో ఎప్పుడూ ఇంతగా దగా జరగలేదన్నారు. తాము పలుమార్లు ప్రధానిని, కేంద్రమంత్రులను కలసి విన్నివించినా.. ప్రధాని మోడీ పెద్దన్నగా అండగా ఉండాలని కోరినా తీవ్ర నిర్లక్ష్యం చూపారని మండిపడ్డారు. దీనిపై రేపటి శాసనసభలో కేంద్రానికి వ్యతిరేకంగా తీర్మానం చేస్తామని అన్నారు. అలాగే తమ నిరసనలు కొనసాగిస్తా మని అన్నారు. 8 సీట్లు ఇచ్చిన తెలంగాణ ప్రజల పట్ల మోడీ కక్ష సాధింపు చర్యలకు దిగారని, ఇందుకు నిరసనగా కేంద్రమంత్రి కిషన్ రెడ్డి రాజీనామా చేయాలని డిమాండ్ చేశారు.