దేవుడి భూమి.. రాక్షసుల నుండి.విముక్తి

• లీజుల ద్వారా వచ్చిన ఆదాయాన్ని అక్రమార్కుల నుండి తిరిగి వసూల్ చేయాలి • కబ్జాకోరులపై చట్టరిత్యా చర్యలు తీసుకోవాలని డిమాండ్

• కోట్లాది రూపాయల ఆలయ భూములు హాంఫట్

• వెలుగులోకి తెచ్చిన ఆదాబ్ హైదరాబాద్

• 'దేవుడి భూమి రాక్షసుడి పాలు' అనే శీర్షికతో కథనం

• స్పందించిన దేవాదాయ శాఖ అధికారులు

• సుమారు 4.22 ఎకరాలలో యధేచ్చగా అక్రమ నిర్మాణాలు

• అక్రమార్కులపై కొరడా ఝులిపించిన అధికార యంత్రాంగం

• అత్తాపూర్, రాజేంద్రనగర్ లో కూల్చివేతలు, భూమి స్వాధీనం

హైదరాబాద్ 09, జనవరి (ఆదాబ్ హైదరాబాద్): హైదరాబాద్ లోని అత్తాపూర్, రాజేంద్రనగర్ లో కబ్జాకోరుల కండ్లలో పడి ఆలయ భూములు మాయమయ్యాయి. అనంత పద్మనాభ స్వామికి చెందిన సుమారు 4.22 ఎకరాల దేవుడి భూమిని కొట్టేశారు. దేవాలయ భూములను అక్రమార్కులు కొల్లగొట్టి షెడ్లు, అక్రమ నిర్మాణాలు చేపట్టారు.

ఈ విషయాన్ని ఆదాబ్ హైదరాబాద్ వెలుగులోకి తీసుకురావడం జరిగింది. ఈ నేపథ్యంలో 'దేవుడి భూమి రాక్షసుడి పాలు' అనే శీర్షికతో కథనాన్ని గత నెల డిసెంబర్ 31న ప్రచురించడం జరిగింది.వార్త పూర్వపరాల్లోకి వెళితే.. రంగారెడ్డి జిల్లా రాజేంద్రనగర్ మండలం, అత్తాపూర్ గ్రామంలో విలువైన దేవాలయ భూమి కబ్జాకు గురైంది.