సంస్థాగతే లక్ష్యంగా..

• అసెంబ్లీ ఫలితాలనే రిపీట్ చేయాలని అధికార పార్టీ గ్రౌండ్ ప్రిపేర్

• జిల్లాల వారీగా ముఖ్యనేతలతో వరుస సమీక్షలు, సమావేశాలు

• అందరి అభిప్రాయాలు తీసుకుంటూ పార్టీ బలోపేతంపై ఫోకస్

• ఉమ్మడి జిల్లాల పర్యటనకు పీసీసీ చీఫ్ మహేష్ కుమార్ గౌడ్ శ్రీకారం

హైదరాబాద్ 05 అక్టోబర్ (ఆదాబ్ హైదరాబాద్ పొలిటికల్ బ్యూరో): తెలంగాణ పీసీసీ చీఫ్ బాధ్యతలు చేపట్టిన మహేష్ కుమార్ గౌడ్ పార్టీ బలోపేతంపై ప్రత్యేక ద్రుష్టి సారించారు..రాబోయే సంస్థాగత ఎన్నికల్లో వీలయినంత వరకు జిల్లాల్లో ఎక్కువ స్థానాలు గెలవాలనే లక్ష్యంగా పావులు కదుపుతు న్నారు.ఇందులో భాగంగా డీసీసీ, మండల, గ్రామస్థాయి నుండి పార్టీని బలోపేతం చేస్తున్నారు. పార్టీ నాయకులతో జిల్లాల వారీగా వరుస సమీక్షలు, సమావేశాలు నిర్వహించి వారి ఆలోచనలను పరిగణలోకి తీసుకుంటూనే... స్థానిక సంస్థల ఎన్నికల్లో అధిక ఓటు బ్యాంకు హస్తం వైపు తిప్పుకునేలా వ్యూహాలు రచిస్తున్నారు.తన సొంత జిల్లా నుండి పర్యటన షురూ చేసి, రాష్ట్ర వ్యాప్తంగా ఎన్నికల నాటికి పర్యటన పూర్తి చేయాలని భావిస్తున్నారు.