రుణమాఫీపై మోడీ, కేసీఆర్ చర్చకు సిద్ధమా..

• బూర్గుల తర్వాత ఇన్నాళ్లకు పాలమూరు బిడ్డకు సీఎంగా అవకాశం వచ్చింది • మహబూబ్నగర్ 'రైతు పండుగ' సభలో సీఎం రేవంత్రెడ్డి ఘాటు వ్యాఖ్యలు

“గతంలో ఎవరూ భూసేకరణ చేయలేదా? ప్రాజెక్టులు కట్టలేదా? పరిశ్రమలు తీసుకురాలేదా? నా జిల్లాకు పరిశ్రమ రావాలని నేను భావించాను. చెప్పుడు మాటలు విని లగచర్ల ప్రజలు కేసుల్లో ఇరుక్కున్నారు” అని వాపోయారు. జిల్లా | అభివృద్ధికి భూసేకరణ చేయాలా? వద్దా? అధికారులను కొడితే శ్రీశైలం, నాగార్జున సాగర్ పూర్తయ్యేవా?" - సీఎం రేవంత్రెడ్డి

• సవాల్ విసిరిన సీఎం రేవంత్రెడ్డి

• ఇంత పెద్ద ఎత్తున రుణమాఫీ చేసిన చరిత్ర ఎక్కడైనా ఉందా?

• ఏడాదిలోనే 25 లక్షల రైతుల కుటుంబాలకు రుణమాఫీ చేశాం

• రైతుల కోసం ప్రజాప్రభుత్వం 54వేల కోట్లు ఖర్చు పెట్టింది

• బోనస్ పైసలు పడుతుంటే గులాబీ గుండెలు అదురుతున్నాయి

• రైతులు సంతోషంగా ఉంటే బీఆర్ఎస్ నేతలకు నిద్రపట్టడంలేదు

• గత ప్రభుత్వంలో మన జిల్లాలకు ఇంతమంది మంత్రులు ఎప్పుడైనా వచ్చారా?

హైదరాబాద్ , నవంబర్ 30 (ఆదాబ్ హైదరాబాద్) : గత బీఆర్ఎస్ ప్రభుత్వం వడ్డీతో సహా రూ.లక్ష రుణమాఫీ చేస్తామని చెప్పి రైతులను మోసం చేసింది. కానీ, మా ప్రభుత్వం ఏడాదిలోనే 25 లక్షల రైతు కుటుంబాలకు రూ. 21 వేల కోట్ల రుణమాఫీ చేసింది. దేశంలో మరే రాష్ట్రం ఇంత రుణమాఫీ చేయలేదని చెప్పడం గర్వంగా ఉంది," అని మహబూబ్ నగర్ రైతు పండుగ సభలో సిఎం రేవంత్ రెడ్డి వివరించారు. "రైతులకు ఉచిత కరెంట్ ఇచ్చింది కాంగ్రెస్ పార్టీనే. ఇది దేశంలో మా ప్రత్యేకత," అని సీఎం గుర్తు చేశారు. "ప్రధాని మోదీ, కేసీఆర్ ఎవరైనా ఈ స్థాయిలో రైతులకు చేయగలరా?” అని సవాల్ విసిరారు. రైతుల కోసం తమ ప్రభుత్వం తీసుకుంటున్న చర్యలు దేశానికి ఆదర్శంగా ఉన్నాయని రేవంత్ రెడ్డి అన్నారు. "రైతు పండుగ ర్యక్రమం కాదు, ఇది ప్రజా ప్రభుత్వ సంకల్పాన్ని చూపిస్తుందని,” సిఎం వ రేవంత్ రెడ్డి పేర్కొన్నారు.

రైతులకు భారీ శుభవార్త ...