ఇరిగేషన్ శాఖ ఆధ్వర్యంలో కాలువ కబ్జా..

• పై స్థాయి అధికారులపైన కూడా ఈడీ, ఐటీ గురిపెట్టాలంటున్న స్థానికులు

• ఊర చెరువు నుండి వచ్చే కాల్వ కనుమరుగు.!

• సంజీవని రియల్ ఎస్టేట్ సంస్థ నిర్వాకం

• ఇరిగేషన్ అధికారుల ఫుల్ సఫోర్ట్

• రంగారెడ్డి జిల్లా రాయికల్ లో విచిత్రం

• సహజ కాల్వపై స్లాబ్ నిర్మాణం.. ఇరువైపులా వెంచర్

• చేసేదేంలేక కాల్వను సగానికిపైగా తగ్గించి దర్జాగా కబ్జా

• లంచం తీసుకొని ఎన్డీసీ ఇచ్చిన ఇరిగేషన్ అధికారులు

• సీఈ, ఎస్ఈ, డీఈ, ఏఈల అండదండలతో కాల్వను చంపేసిండ్రు

• నిన్న ఇరిగేషన్ శాఖలో కోట్లు కూడబెట్టి దొరికిపోయిన ఏఈ నిఖేష్

హైదరాబాద్ 02, డిసెంబర్ (ఆదాబ్ హైదరాబాద్): తెలంగాణ రాష్ట్రంలో భూములు మింగేవాళ్లు ఉన్నారంటే ఆశ్చర్యమేం లేదు. కానీ చెరువులు, కుంటలు, సహజ కాల్వలను కూడా పొతం పెట్టుడుల మనకంటే తోపు ఎవరూ లేరు. 'అత్తలేని కోడలు ఉత్తమురాలు కోడలు లేని అత్త గుణవంతురాలు' అన్నట్టు భూములకు అమ్మ అయ్య ఉండరు కాబట్టి.. వాటిని ఏం చేసినా అడిగే వాడు లేడు కదా... నోరు తెరిచి మాట్లాడావు కాబట్టి ఇష్టారీతిన చెరువులు, సహజ నదులు, కాల్వలను కబ్జా చేసుడు పనిగా పెట్టుకుంటున్నరు అక్రమార్కులు. దీనికి అధికారులు నుంచి కూడా ఫుల్ సపోర్ట్ ఉంటున్నది. 'అన్నవారు బాగున్నారు, పడినవారు బాగున్నారు.

మధ్యనున్న వారే నలిగిపోయారన్నట్లు' ప్రభుత్వ, అసైన్డ్ ల్యాండ్స్, చెరువులు, కుంటలు, సహజ నదులను ఇరిగేషన్, రెవెన్యూ అధికారులు అప్పనంగా అప్పగించేస్తున్నారు. రాష్ట్ర రాజధాని అయిన హైదరాబాద్ చుట్టు పక్కలా ఉన్న రంగారెడ్డి, నల్గొండ, మహబూబ్ నగర్, మెదక్ ఉమ్మడి జిల్లాల పరిధిలోని భూముల ధరలు ఆకాశాన్నంటడంతో రియల్ ఎస్టేట్ వ్యాపారులు ఎక్కడా సెంట్ భూమి కనిపించినా కబ్జాచేస్తున్నారు.