116வது பிறந்த நாள் விழா - அண்ணா சிலைக்கு எம்எல்ஏக்கள் மரியாதை

அண்ணா பிறந்த நாளை முன்னிட்டு, அவரது சிலைக்கு திமுக எம். எல். ஏ. க்கள், நிர்வாகிகள் மாலை அணிவித்து மரியாதை செலுத்தினர்.

அண்ணாவின் பிறந்த நாளை முன்னிட்டு, பட்டாபிராமில் அவரது படத்திற்கு பூந்தமல்லி தொகுதி எம். எல். ஏ. அ. கிருஷ்ண சாமி மாலை அணிவித்து மரியாதை செலுத்தினார். அவரது இல்லத்தில் திமுக மூத்த முன்னோடி ஆண்டி திமுக கொடியை ஏற்றி வைத்தார். இதில் வட்ட செயலாளர் எஸ். ஓய். தாஸ், வழக்கறிஞர் சன்னா என்ற வித்தியாசாகர், முரளி, ராமகிருஷ்ணன், செல்வம், தேவி உள்பட பலர் கலந்து கொண்டனர். இதேபோல், மணவாளநகரில் உள்ள அண்ணா சிலைக்கு மாலை அணிவித்து இனிப்பு வழங்கும் விழா நடந்தது. விழாவிற்கு மாவட்ட அவைத் தலைவர் கே.த. இராவிடபக்தன் தலைமை தாங்கினார். ஒன்றிய செயலாளர் கே. அரி இருஷ்ணன், மாவட்ட அணிகளின் நிர்வாகிகள் கே.ஏ. மதியழகன், தாடி நா. நந்தகுமார், ஆர். ராஜேந்திர குமார், ஒன்றிய நிர்வாகிகள் சி. ஆர். குமரன், கொப்பூர் டி. திலீப்குமார், கே.ஏ. சத்தியா, ஆர். டி. லலி, ஆர். வாசு, பிரகாஷ் ஞானஒளி முன்னிலை வகித்தனர். ஊராட்சி மன்ற தலைவர் ஆர். மோகனசுந்தரம் வரவேற்றார்.

திருவள்ளூர் நகராட்சி அலுவலக வளாகத்தில் அண்ணா சிலைக்கு மாலை அணிவிக்கும் விழாவிற்கு நகர மன்ற தலைவர் உதயமலர் பாண்டியன் தலைமை தாங்கினார். நகர செயலாளர், நகர மன்ற துணைத் தலைவர் சி. சு. ரவிச்சந்திரன் முன்னிலை வகித்தார்.