பாஜ நிர்வாகிகள் மீது நடவடிக்கை கோரி மாவட்டம் முழுவதும் காங்கிரஸ் புகார் மனு

எதிர்க் கட்சித் தலைவர் ராகுல் காந்தியை அவதூறாக பேசியும், கொலை மிரட்டல் விடுத்த பாஜ பிரமுகர்கள் மீது நடவடிக்கை எடுக்கக் கோரி மாவட்டத்தின் பல்வேறு இடங்களில் காங்கிரஸ் கட்சியினர் காவல் நிலையத்தில் புகார் மனு அளித்துள்ளனர்.

திருவள்ளூர் மாவட்ட போலீஸ் எஸ்பி ரா. சீனிவாச பெருமாளிடம், வடக்கு மாவட்ட காங்கிரஸ் தலைவர் துரைசந்திரசேகர் எம் எல்ஏ தலைமையில் காங்கிரஸ் கட்சி நிர்வாகிகள் புகார் மனு அளித்தனர். அந்த மனுவில் அவர்கள் கூறியிருப்பதாவது:

ரயில்வே இணை அமைச்சர் ரவ்னீத் பிட்டு, எதிர்காட்சி தலைவர் ராகுல் காந்தியை நாட்டின் நம்பர் ஒன் பயங்கரவாதி என்று பேசியுள்ளார். மேலும் அவர் ராகுல் காந்திக்கு எதிராக பொதுமக்களின் வெறுப்பையும், சீற்றத்தையும் தூண்டும் வகையில் வன்முறை மற்றும் அமைதியை சீர்குலைக்கும் நோக்கத்துடன் அறிக்கை வெளியிட்டுள்ளார். இது சமூக ஊடகங்களில் பரவலாக பரவி வருகிறது. மேலும் அவர் ராகுல் காந்தியை படுகொலை செய்ய வேண்டும் அல்லது உடலில் காயத்தை ஏற்படுத்த வேண்டும் என்றும் கூறியுள்ளார். ராகுல் காந்தி குறித்து இத்தகைய பேச்சுக்கள் பொதுமக்களிடையே அமைதியின்மையை ஏற்படுத்தும் நோக்கத்திலும், வெறுக்கத்தக்க கருத்துக்கள் மூலம் கலவரம், அமைதிக்கு குந்தகம் போன்றவற்றை தூண்டிவிடும் வகையில் அமைக்கிறது. எனவே இது சம்பந்தமாக தக்க நடவடிக்கை எடுக்க வேண்டும். இவ்வாறு அந்த மனுவில் கூறியுள்ளனர்.