முதல் வெளிநாட்டு பயணமாக இலங்கை அதிபர் திசநாயக இந்தியா வருகை

இலங்கை அதிபராக பொறுப்பேற்ற பிறகு முதல் வெளிநாட்டு பயணமாக இந்தியா வந்த அனுரகுமார திசநாயகவுக்கு டெல்லியில் சிறப்பான வரவேற்பு அளிக்கப்பட்டது.

அவர் பிரதமர் மோடியை இன்று சந்தித்து பேசுகிறார். இந்தியாவின் அண்டை நாடான இலங்கையில் கடந்த செப்டம்பரில் அதிபர் தேர்தல் நடந்தது. இதில், இடதுசாரியான தேசிய மக்கள் சக்தி கட்சியின் தலைவர் அனுரகுமார திசநாயக வெற்றி பெற்று, இலங்கையின் 9வது அதிபராக பதவியேற்றுக்கொண்டார். இதைத் தொடர்ந்து கடந்த அக்டோபரில் இலங்கை சென்ற இந்திய வெளியுறவு அமைச்சர் ஜெய்சங்கர், இந்தியா வருமாறு அதிபர் திசநாயகவுக்கு அழைப்பு விடுத்தார்.