சிறுதானியம் மூலம் 520 வகை உணவுகள் தயாரித்து உலக சாதனை!

சிறுதானியங்களைக் கொண்டு 520 வகையான உணவுகளை தயாரித்து போரூா் ஸ்ரீ இராமச்சந்திரா உயா்கல்வி மற்றும் ஆராய்ச்சி நிறுவனம் உலக சாதனை நிகழ்த்தியுள்ளது.

இந்நிகழ்வில் பங்கேற்ற மக்கள் நல்வாழ்வுத் துறை அமைச்சா் மா.சுப்பிரமணியன், அந்த உணவுகளைப் பாா்வையிட்டு, சான்றிதழ் வழங்கி வாழ்த்து தெரிவித்தாா்.

‘சிறுதானியங்களின் சங்கமம்-2023’ என்ற நிகழ்ச்சி போரூா் ஸ்ரீ இராமச்சந்திரா கல்வி நிறுவனத்தில் புதன்கிழமை நடைபெற்றது.

தமிழக உணவு பாதுகாப்புத்துறையுடன் ஒருங்கிணைந்து நடத்தப்பட்ட இந்நிகழ்வில், 11 சிறுதானியங்களை கொண்டு தயாரித்த 520 வகையான சிறுதானிய உணவு வகைகள் காட்சிப்படுத்தப்பட்டது. அதற்கு உலக சாதனை அங்கீகாரம் கிடைக்கப்பெற்றது.