வாக்கு ஒப்புகைச் சீட்டு வழக்கு தள்ளுபடி

உச்சநீதிமன்றம் தீர்ப்பு

மின்னணு வாக்குப் பதிவு இயந்திரத்தில் பதிவான வாக்குகளுடன் வாக்கு ஒப்புகைச் சீட்டுகளை முழுமையாக எண்ணி ஒப்பிடக்கோரி தாக்கல் செய்யப்பட்ட மனுக்கள் அனைத்தையும் தள்ளுபடி செய்து உச்சநீதிமன்றம் வெள்ளிக்கிழமை தீர்ப்பளித்தது.

'ஒரு நடைமுறை மீது கண்மூடித்தனமாக அவநம்பிக்கை தெரிவிப்பது தேவையற்ற சந்தேகங்களை வளர்க்கும் என்று உச்சநீதிமன்றம் குறிப் பிட்டது.

இந்தத் தீர்ப்பின் மூலம் தற்போது நடைபெற்றுவரும் மக்களவைத் தேர்தலில் வாக்குப் பதிவு இயந்திர பயன்பாட்டு நடைமுறையை உச்சநீ திமன்றம் உறுதி செய்துள்ளது.

யாருக்கு வாக்களித்தோம் என்பதை உறுதி செய்யும் விவிபேட் இயந்திரங்கள் கடந்த 2013-ஆம் ஆண்டில் அறிமுகம் செய்யப்பட்டன. முதலில் ஒரு சட்டப்பேரவைத் தொகுதியில் குறிப்பிட்ட ஒரு வாக்குச்சாவடியின் விவிபேட் இயந்திர ஒப்புகைச் சீட்டுகள் மட்டும் எண்ணப்பட்டு ஒப்பீடு செய்யப்பட்டது. பின்னர், 2019-ஆம் ஆண்டு உச்சநீதிமன்றம் பிறப்பித்த உத்தரவின்படி, தற்போது ஒரு சட்டப்பேரவைத் தொகுதியில் 5 வாக்குச்சாவடிகளின் வாக்கு ஒப்புகைச் சீட்டுகள் எண்ணப்பட்டு ஒப்பீடு செய்யப்படு கிறது.

இந்தச் சூழலில் ஒப்புகைச் சீட்டுகளை 100 சதவீதம் எண்ணி, மின்னணு வாக்குப் பதிவு இயந்திரங்களில் பதிவான வாக்குகளுடன் ஒப்பிட வேண்டும் என்று கோரி ஜனநாயக சீர்திருத்த சங்கம் உள்பட மேலும் சிலர் சார்பில் உச்சநீதிமன்றத்தில் மனுக்கள் தாக்கல் செய்யப்பட்டன. அதோடு, மீண்டும் வாக்குச் சீட்டு முறையை அறிமுகம் செய்ய வேண்டும் என்று கோரியும் மனுக்கள் தாக்கல் செய்யப்பட்டன.

இந்த மனுக்களை உச்சநீதிமன்ற நீதிபதிகள் சஞ்சீவ் கன்னா, தீபாங் கர்தத்தா ஆகியோர் அடங்கிய அமர்வு விசாரித்தது. வழக்கில் இருதரப்பு வாதங்கள் நிறைவடைந்த நிலையில், வழக்கின் தீர்ப்பை நீதிபதிகள் கடந்த புதன்கிழமை ஒத்தி வைத்தனர்.

இந்த வழக்கு உச்சநீதிமன்றத்தில் வெள்ளிக்கிழமை மீண்டும் விசாரணைக்கு வந்தது. அப்போது, மீண்டும் வாக்குச் சீட்டு முறையை அறிமு கப்படுத்த வேண்டும் எனக் கோரிய மனு உள்பட அனைத்து மனுக்களையும் தள்ளுபடி செய்த நீதிபதிகள், இரு ஒருமித்த தீர்ப்புகளை அளித்தனர்.