விளையாட்டு மைதானத்துக்கு இலவசமாக வழங்கப்பட்ட நிலத்தை வேறு விஷயங்களுக்கு பயன்படுத்த முடியாது

சென்னையில் பள்ளி விளையாட்டு மைதானத்துக்காக தமிழ்நாடு வீட்டு வசதி வாரியம் இலவசமாக வழங்கிய நிலத்தை வேறு காரியங்களுக்கு பயன்படுத்த முடியாது என்று சென்னை உயா்நீதிமன்றம் உத்தரவிட்டது.

சென்னை திருவான்மியூா், திருவள்ளுவா் நகரில் உள்ள இந்து சேவா சமாஜம் பள்ளிக்காக, கடந்த 1989 ஆம் ஆண்டு தமிழ்நாடு வீட்டு வசதி வாரியம் சுமாா் ஆயிரத்து 900 சதுர மீட்டா் நிலத்தை ஒதுக்கியது. இதில் 50 சதவீத நிலத்துக்கு  22 லட்சத்து 33 ஆயிரத்து 946 ரூபாய் என்று விலை நிா்ணயம் செய்தது. மீதமுள்ள 50 சதவீத நிலத்தை, நிபந்தனைகளுடன் இலவசமாக வழங்கியது.