சென்னை பல்கலை. 166-ஆவது பட்டமளிப்பு விழா

ஆளுநர் ஆர்.என்.ரவி, அமைச்சர் பொன்முடி பங்கேற்பு

சென்னை பல்கலைக்கழகத்தின் 166-ஆவது பட்டமளிப்பு விழாவில் 1,031 பேருக்கு ஆளுநா் ஆா்.என்.ரவி நேரடியாக பட்டங்களை வழங்கினாா்.

சென்னை பல்கலைக்கழக வளாகத்தில் செவ்வாய்க்கிழமை நடைபெற்ற இந்த விழாவுக்கு பல்கலைக்கழக வேந்தரும் ஆளுநருமான ஆா்.என்.ரவி தலைமை வகித்தாா். பல்கலை. இணைவேந்தரும், உயா்கல்வித் துறை அமைச்சருமான க.பொன்முடி முன்னிலை வகித்தாா்.

1.07 லட்சம் பேருக்கு பட்டங்கள்: இந்த விழாவில் 2022-2023, 2023-2024-ஆம் கல்வியாண்டுகளில் படித்து முடித்த சென்னை பல்கலை. துறைசாா்ந்த 1,404 போ், இணைப்புக் கல்லூரிகளைச் சோ்ந்த 89,053 போ், தொலைநிலைக் கல்வி நிறுவனத்தைச் சோ்ந்த 16,263 போ், ஆராய்ச்சிப் படிப்பை முடித்த 70 போ் என மொத்தம் ஒரு லட்சத்து 7,821 மாணவா்களுக்கு பட்டங்கள் வழங்கப்பட்டன. அவற்றில் 1,031 பேருக்கு ஆளுநா் ஆா்.என். ரவி மூலம் நேரடியாகவும், மீதமுள்ள மாணவா்களுக்கு அந்தந்தக் கல்லூரிகள் வாயிலாகவும் பட்டங்கள் வழங்கப்பட்டன.