நவ.10-இல் புதிய பாரத எழுத்தறிவு திட்ட தேர்வு: 5 லட்சம் பேர் எழுதுகின்றனர்

பள்ளிக் கல்வித் துறை சார்பில் புதிய பாரத எழுத்தறிவு திட்ட தேர்வு நவ.10-ஆம் தேதி தமிழகம் முழுவதும் நடைபெறவுள்ளது.

இந்தத் தேர்வை 5 லட்சத்திற்கும் மேற்பட்டோர் எழுதவுள்ள நிலையில், அதற்கான வழிகாட்டுதல்களையும் கல்வித் துறை வெளியிட்டுள்ளது.

தமிழகத்தில் 15 வயதுக்கு மேற்பட்ட எழுதப் படிக்கத் தெரியாதோருக்கு அடிப்படை எழுத்தறிவு கல்வி வழங்கிடும் வகையில் புதிய பாரத எழுத்தறிவுத் திட்டம் கடந்த 2022-2023-ஆம் ஆண்டு முதல் 38 மாவட்டங்களிலும் செயல்படுத்தப்பட்டு வருகிறது. இந்தத் திட்டத்தின் கீழ் 16 லட்சம் பேர் பயனடைந்துள்ளனர்.

2024-2025-ஆம் ஆண்டில் எழுதப் படிக்கத் தெரியாதோரை 100 சதவீதம் கண்டறிந்து, அடிப்படை எழுத்தறிவு கல்வி கற்கும் வாய்ப்பை வழங்கும் வகையில் திட்டச் செயல்பாடுகளை இரு கட்டங்களாகப் பிரித்து செயல்படுத்த திட்டமிடப்பட்டுள்ளது.