அரசமைப்புச் சட்ட புத்தகத்தை பிரதமர் மோடி படிக்கவில்லை: ராகுல்

‘அரசமைப்பு சட்ட புத்தகத்தைப் படிக்கவில்லை என்பதாலேயே, அதை வெற்றுப் புத்தகமாக பிரதமர் நரேந்திர மோடி கருதுகிறார் என்று எதிர்க்கட்சித் தலைவர் ராகுல் காந்தி விமர்சனம் செய்தார்.

மகாராஷ்டிர மாநில சட்டப்பேரவைத் தேர்தல் வரும் 20-ஆம் தேதி நடைபெற உள்ள நிலையில், அரசியல் கட்சிகள் தீவிர பிரசாரத்தில் ஈடுபட்டுள்ளன. ராகுல் காந்தி வழக்கம்போல அரசமைப்புச் சட்ட கையடக்க நகலுடன் பிரசாரம் மேற்கொண்டு வருகிறார்.

இதை அண்மையில் விமர்சித்த பாஜக தலைவர்கள், பொதுக்கூட்டங்களில் ராகுல் காந்தி காண்பிக்கும் அரசமைப்புச் சட்ட நகலில் வெற்று காகிதங்கள் உள்ளன. அரசமைப்புச் சட்டத்தை ராகுல் அவமதிப்பு செய்கிறார் என்று விமர்சித்தனர்.

இதற்கு, மகாராஷ்டிர மாநிலம் நந்துர்பூரில் வியாழக்கிழமை நடைபெற்ற பிரசார பொதுக்கூட்டத்தில் ராகுல் காந்தி பதிலளித்துப் பேசியதாவது: