அமெரிக்கா: சுகாதார அமைச்சர் நியமனத்துக்கு எதிர்ப்பு

வாஷிங்டன், நவ. 15: அமெரிக்காவின் அடுத்த சுகாதாரத்துறை அமைச்சராக, முன்னாள் அதிபர் ஜான் எஃப். கென்னடியின் உறவினர் ராபர்ட் எஃப். கென்னடியை (ஜூனியர்) டொனால்ட் டிரம்ப் நியமித்துள்ளதற்கு கடும் எதிர்ப்பு எழுந்துள்ளது.

கடந்த 5-ஆம் தேதி நடைபெற்ற அதிபர் தேர்தலில் பெரும்பான்மை பிரதிநிதிகளின் வாக்குகள் கிடைத்ததைத் தொடர்ந்து, நாட்டின் அடுத்த அதிபராக டொனால்ட் டிரம்ப் வரும் ஜன. 20-இல் மீண்டும் பொறுப்பேற்கவிருக்கிறார்.

அதற்கு முன்னதாக, தனது புதிய அரசில் இடம் பெறவிருக்கும் அமைச்சர்கள் மற்றும் கேபினட் அந்தஸ்தைக்கொண்ட முக்கிய அதிகாரிகளை டிரம்ப் அறிவித்துவருகிறார்.