பிரம்மபுத்திரா குறுக்கே உலகின் மிகப்பெரிய அணை

ரூ.11 லட்சம் கோடியில் கட்ட சீனா முடிவு

இந்தியாவின் எல்லையில் பிரம்மபுத்திரா நதியின் குறுக்கே உலகின் மிகப்பெரிய அணையைக் கட்ட சீனா முடிவு செய்துள்ளது.

ரூ.11 லட்சம் கோடி மதிப்பில் திபெத்தில் கட்டப்படும் இந்த அணையால் பிரம்மபுத்திரா நதி பாய்ந்தோடும் இந்தியா மற்றும் வங்கதேசத்துக்கு பெரும் பாதிப்புகள் ஏற்படும் நிலை உருவாகியுள்ளது.

இத்திட்டம் குறித்து சீன அரசு ஊடகமான சின்ஹுவா வெளியிட்ட செய்தியில், 'சாங்போ நதியின் (பிரம்மபுத்திரா நதி) கீழ் மட்ட பகுதிகளில் நீர்மின் நிலையம் அமைப்பதற்கான திட்டத்துக்கு சீன அரசு ஒப்புதல் வழங்கியது' என தெரிவிக்கப்பட்டது.

ஹிமாலய மலைத்தொடர்கள் வழியாக அருணாசல பிரதேசத்தை வந்தடைந்து பின் வங்கதேசத்துக்கு பிரம்மபுத்திரா நதி பாய்ந்தோடும் பகுதிகளில் உள்ள பெரும் மலைக் குன்றுகளில் இந்த அணை கட்டப்படுகிறது.