இரட்டை இலக்க வளர்ச்சி கண்ட உள்நாட்டு விமானப் போக்குவரத்து

இந்தியா விமானப் போக்குவரத்து நிறுவனங்கள் வழங்கிய உள்நாட்டு போக்குவரத்து சேவை கடந்த நவம்பர் மாதத்தில் இரட்டை இலக்க வளர்ச்சியைப் பதிவு செய்துள்ளது.

இது குறித்து சிவில் விமானப் போக்குவரத்து இயக்குநரகம் (டிஜிசிஏ) வெளியிட்டுள்ள புள்ளிவிவரங்கள் தெரிவிப்பதாவது:

கடந்த நவம்பர் மாதத்தில் நாட்டின் விமானப் போக்குவரத்து நிறுவனங்கள் உள்நாட்டு வழித்தடங்களில் 1.42 கோடி பயணிகளுக்கு சேவை அளித்தன. இது முந்தைய 2023-ஆம் ஆண்டின் இதே மாதத்துடன் ஒப்பிடுகையில் 12 சதவீதம் அதிகம். அப்போது இந்திய நிறுவனங்கள் அளித்த உள்நாட்டு விமானப் போக்குவரத்து சேவை எண்ணிக்கை 1.27 கோடியாக இருந்தது.

மதிப்பீட்டு மாதத்தில் இண்டிகோ நிறுவனம் உள்நாட்டு விமானப் போக்குவரத்தில் 63.6 சதவீத பங்குடன் சந்தையில் தனது முன்னிலையை தக்க வைத்துள்ளது.