ടീമുകൾ ഇന്ന് തിരുവനന്തപുരത്തെത്തും

ഇന്ത്യ-ശ്രീലങ്ക ഏകദിനം

തിരുവനന്തപുരം: ഇന്ത്യ-ശ്രീലങ്ക ഏകദിന പരമ്പരയിലെ മൂന്നാം മത്സരത്തിന് കാര്യവട്ടം ഗ്രീൻഫീൽഡ് സ്പോർട്സ് ഹബ്ബ് ഒരുങ്ങിക്കഴിഞ്ഞു. ഞായറാഴ്ച്ച 15-ന് ഉച്ചയ്ക്ക് 1.30നാണ് ഡേ നൈറ്റ് മത്സരത്തിന് തുടക്കം. ഇരു ടീമുകളും ഇന്ന് തിരുവനന്തപുരത്തെത്തും. കൊൽക്കത്തയിൽ നിന്നും എയർ വിസ്താരയുടെ പ്രത്യേക വിമാനത്തിൽ വൈകിട്ട് നാലുമണിയോടെയാണ് ടീമുകൾ വിമാനത്താവളത്തിലെത്തുക. ഇന്ത്യൻ ടീമിന് ഹയാത്ത് റീജൻസിയിലും ശ്രീലങ്കൻ ടീം താജ് വിവാന്തയിലുമാണ് താമസം ഒരുക്കിയിരിക്കുന്നത്.