ആദ്യ സൂചന

അർജുൻ ഓടിച്ച ലോറിയുടെ ലോഹഭാഗം കണ്ടെത്തി ദൗത്യം ഏറ്റെടുത്ത് ഈശ്വർ മൽപെ

ബെംഗളൂരു: ഷിരൂരിൽ കാണാതായ ലോറി ഡ്രൈവർ അർജുനെ കണ്ടെത്താൻ മത്സ്യത്തൊഴിലാളി ഈശ്വർ മൽപെ ഗംഗാവലി പുഴയിൽ ഇറങ്ങി നടത്തിയ പരിശോധനയിൽ ലോറിയുടേതെന്ന് സംശയിക്കുന്ന ലോഹ ഭാഗം കണ്ടെത്തി.

ലോറിയിൽ ഉപയോഗിക്കുന്ന ജാക്കിയാണ് കണ്ടത്തിയതെന്നും ഇത് അർജുൻ ഉപയോഗിച്ചിരുന്ന ലോറിയുടേത് തന്നെയാണെന്നും ലോറി ഉടമ മനാഫ് പറഞ്ഞു. പുതിയ ജാക്കിയാണ് ലോറിയിലുണ്ടായിരുന്നത്.

ഈശ്വർ മൽപെ മുങ്ങിയെടുത്തതും പുതിയ ജാക്കിയാണ്. അതിനാൽ തന്നെ ഇത് അർജുൻറെ ലോറിയിലുണ്ടായിരുന്ന ജാക്കി തന്നെയാണ് ഇതെന്ന് തിരിച്ചറിഞ്ഞിട്ടുണ്ട്.