നടുറോഡിൽ കുരുതി

ഉറങ്ങിക്കിടന്നവർക്കു മുകളിലേക്ക് തടി ലോറി പാഞ്ഞു കയറി അഞ്ചു പേർക്ക് ദാരുണാന്ത്യം മരിച്ചവരിൽ 2 കുഞ്ഞുങ്ങളും

തൃശൂർ: തൃശൂർ നാട്ടികയിൽ തടികയറ്റിവന്ന ലോറി ഉറങ്ങിക്കിടന്നവർക്കു മുകളിലേക്ക് നിയന്ത്രണംവിട്ടു പാഞ്ഞു കയറി 2 കുഞ്ഞുങ്ങൾ ഉൾപ്പെടെ അഞ്ചു പേർക്ക് ദാരു ണാന്ത്യം. ആറുപേർക്ക് പരിക്കേറ്റു. ഇന്നലെ പുലർച്ചെ മൂന്നരയോടെയായിരുന്നു സംഭവം. കാളിയപ്പൻ, നാഗമ്മ, ബംഗാരി, നാലു വയസ്സുകാരൻ ജീവൻ, ഒരുവയസ്സുകാരൻ വിശ്വ എന്നിവരാണ് മരിച്ചത്. ദേവർധനൻ, ചിത്ര, വിജയ്,ശിവാനി എന്നിവരാണ് പരിക്കേറ്റ മറ്റുള്ളവർ, തൃശൂർ മെഡിക്കൽ കോളേജ് ആശുപ്രതിയിൽ പ്രവേശിപ്പിച്ച ജാൻസിയുടെ നില അതീവ ഗുരുതരമാണ്. നാട്ടുകാരും ആക്ട് പ്രവർത്തകരും ചേർന്നാണ് രക്ഷാപ്രവർത്തനം നടത്തിയത്.

പാലക്കാട് ഗോവിന്ദാപുരം സ്വദേശികളായ പതിനൊന്നംഗ സംഘമായിരുന്നു റോഡിൽ കിടന്നുറങ്ങിയത്. ദേശീയ പാതയിൽ വഴി തിരിയുന്നതിനുള്ള ഡിവൈഡർ വച്ചിരുന്നു. ഇതു തകർത്ത് അമ്പത് മീറ്ററോളം കടന്നാണ് പതിനൊന്നംഗ സംഘത്തിന് മുകളിലേക്ക് ലോറി ഇടിച്ചു കയറിയത്.

മദ്യലഹരിയിൽ ക്ലീനറുടെ ഡ്രൈവിംഗ് ലോറിയുടെ ക്ലീനറായ കണ്ണൂർ ആലങ്കോട് സ്വദേശി അലക സ് (33), ഡ്രൈവർ ജോസ്(54) എന്നിവരുടെ അറസ്റ്റ് പൊലീസ് രേഖപ്പെടുത്തിയിട്ടുണ്ട്.