வெற்றிப்பாதைக்கு திரும்புமா சென்னை சூப்பர் கிங்ஸ்?: ஐதராபாத் அணியுடன் இன்று பலப்பரீட்சை

ஐ.பி.எல். கிரிக்கெட் தொடரில் இன்று (ஞாயிற்றுக்கிழமை) இரண்டு லீக் ஆட்டங்கள் நடக்கின்றன.

சென்னை சேப்பாக்கத்தில் உள்ள எம்.ஏ.சிதம்பரம் இதில் ஸ்டேடியத்தில் இரவு அரங்கேறும் 46வது லீக் ஆட்டத்தில் சென்னை சூப்பர் கிங்ஸ் ஐதராபாத் சன்ரைசர்ஸ் அணிகள் மோதுகின்றன.

நடப்பு சாம்பியன் சென்னை அணி இதுவரை 8 ஆட்டங்களில் ஆடி 4 வெற்றி, 4 தோல்வி கண்டு 8 புள்ளி பெற்றுள்ளது. சென்னை அணி கடைசியாக லக்னோ மற்றும் சொந்த மண்ணில் நடந்த சூப்பர் லக்னோ ஜெயன்ட்ஸ் அணிக்கு எதிரான ஆட்டங்களில் முறையே 8 விக்கெட், 6 விக்கெட் வித்தியாசத்தில் அடுத்தடுத்து தோல்வி கண்டது. முந்தைய ஆட்டத்தில் சொத்த மண்ணில் 210 ரன்கள் குவித்தும் எதிரணியை அதற்குன் கட்டுப்படுத்த தவறியது. பனியின் தாக்கம் காரணமாக சுழற்பந்து வீச்சு கைகொடுக்காததால் உள்ளூரில் சென்னை அணி 3 வெற்றிக்கு பிறகு முதல் சறுக்கலை சந்தித்தது. இந்த சரிவில் இருந்து மீண்டு வெற்றிப்பாதைக்கு திரும்பி அடுத்த சுற்று வாய்ப்பை வலுப்படுத்த வேண்டிய நெருக்கடியில் சென்னை அணி உள்ளது.

சென்னை அணியின் பேட்டிங்கில் கேப்டன் ருதுராஜ் கெய்க்வாட் (ஒரு சதம் உள்பட 359 ரன்), ஷிவம் துபே (3 அரைசதம் உள்பட 311) ஆகியோர் அருமையாக செயல்பட்டு வருகிறார்கள். ரஹானே, டேரில் மிட்செல், ரவீந்திர ஜடேஜா ஆகியோர் கணிசமாக பங்களிக்க வேண்டியது அவசியமான தாகும். பந்து வீச்சில் முஸ்தாபிஜூர் ரகுமான்,  பதிரானா, துஷர் தேஷ் பாண்டே, தீபக் சாஹர் வலுசேர்க்கிறார்கள்.