கள்ளக்குறிச்சியில் மரண ஓலம் - விஷ சாராயம் குடித்த 38 பேர் பலி

கலெக்டர் அதிரடி மாற்றம் | எஸ்பி உட்பட போலீசார் கூண்டோடு சஸ்பெண்ட்

கள்ளக்குறிச்சி கருணாபுரத்தில் நேற்று முன்தினம் சாராயம் விற்பனை நடந்துள்ளது. சாராயத்தை வாங்கி குடித்த பலருக்கு நள்ளிரவில் இருந்து கண் எரிச்சல், வயிற்றுவலி போன்ற உபாதைகள் ஏற்பட்டன.

பாதிக்கப்பட்டவர்கள் உடனடியாக கள்ளக்குறிச்சி அரசு மருத்துவக்கல்லூரி ஆஸ்பத்திரியில் சிகிச்சைக்காக வந்தனர். நேற்று காலையில் இருந்து சிகிச்சைக்காக வருபவர்களின் எண்ணிக்கை அதிகரிக்க தொடங்கியது. இதனால் அங்கு பெரும் பரபரப்பு நிலவியது.

அதன்படி கருணாபுரத்தை சேர்ந்த கணேசன் மகன் பிரவீன், சிவா (32), மகேஷ் (60), ஜெகதீசன் (70), ஏசுதாஸ் (36), கண்ணன் (70), குரு (48), மணி (48), சங்கர் (35), பெரியசாமி (40), சுப்பிரமணியன் (56), பரமசிவம் (56), குரு (44), செந்தில், சுரேஷ், குப்பன் மனைவி இந்திரா, சுரேஷ் மனைவி வடிவு (35), ரஞ்சித்குமார் (37), கிருஷ்ணமூர்த்தி உள்பட 45க்கும் மேற்பட்டவர்கள் கள்ளக்குறிச்சி அரசு ஆஸ்பத்திரியில் சிகிச்சைக்காக சேர்க்கப்பட்டனர்.

இவர்களில் மகேஷ், ஜெகதீசன், ஏசுதாஸ், கண்ணன், குரு, மணி, சங்கர் உள்பட 19 பேர் மேல்சிகிச்சைக்காக புதுச்சேரி ஜிப்மர் ஆஸ்பத்திரிக்கு அனுப்பி வைக்கப்பட்டனர் சிலர் சேலம் அரசு மருத்துவக்கல்லூரி ஆஸ்பத்திரிக்கு அனுப்பி வைக்கப்பட்டனர். மேலும் கருணாபுரம் சிறுவங்கூர் ரோட்டை சேர்ந்த தர்மன் மகன் சுரேஷ் (வயது 46) கள்ளக்குறிச்சியில் உள்ள தனியார் ஆஸ்பத்திரியில் சேர்க்கப்பட்டார்.

பலியானவர்கள் விவரம்

ஆஸ்பத்திரிகளில் சிகிச்சை பெற்ற பலர் அடுத்தடுத்து உயிரிழந்தனர்.

இதனால் பலியானவர்களின் எண்ணிக்கை தொடர்ந்து அதிகரிக்க தொடங்கியது. அதுபற்றிய விவரம் வருமாறு:

1.கருணாபுரம் சிறுவங்கூர்ரோடு தர்மன் மகன் சுரேஷ் (வயது 46)

2. கணேசன் மகன் பிரவீன் (29)

3. கடலூர் மாவட்டம் பண்ருட்டி ஆண்டிக்குப்பத்தை சேர்ந்த ராஜேந்திரன் மகன் சுரேஷ் (40).

4. கருணாபுரம் கிழக்கு தெருவை சேர்ந்த சேகர் (65).

5.கிருஷ்ணமூர்த்தி(62) 6.மணி (58) 7. குப்பன் மனைவி இந்திரா(48) 8. கிருஷ்ணமூர்த்தி மகன் மணிகண்டன் (35) 9. தனகோடி (55)

10.சுப்பிரமணி(60)

11. மாதவச்சேரியை சேர்ந்த நாராயணசாமி (65)

12.வாய்க்கால் மேடு ராமு (50)