ખેડા-આણંદ જિ.માં ખાનગી હોસ્પિટલના તબીબો રાજ્યવ્યાપી હડતાળમાં જોડાયા

તબીબો દ્વારા તમામ ઓપીડી બંધ રાખવામાં આવતા દર્દીઓને હાલાકી વેઠવી પડી

સમગ્ર રાજ્યમાં ખાનગી હોસ્પિટલના હજારો ડોક્ટરો હડતાળ પર ઉતર્યા હતા. જેના સંદર્ભે ખેડા જિલ્લાના ખાનગી હોસ્પિટલના તબીબો પણ જોડાયા હતા. આથી ખાનગી હોસ્પિટલોની OPD અને ઈમર્જન્સી સેવા પણ સંદતર બંધ થઇ ગઇ હતી. જેથી દર્દીઓને સરકારી હોસ્પિટલમાં સારવાર લેવા જવું પડ્યું હતુ. જિલ્લામાંથી તબીબોએ પોતાની ખાનગી હોસ્પિટલોની ઓપીડી બંધ કરી સરકારના નીતિ નિયમ સામે રોષ વ્યક્ત કર્યો છે. જોકે હોસ્પિટલમાં સારવાર લઈ રહેલા દર્દીઓને ક્યાં પણ તકલીફ નહી પડે તેવુ આયોજન કરાયું હતું. પરંતુ ઓપીડી બંધ હોવાથી દર્દીઓને સરકારી દવાખાનામાં સારવાર લેવાની ફરજ પડી હતી.