ગોલ્ડ લોનમાં રોકાણ કરાવી વળતરની લાલચ આપી 1.52 કરોડની છેતરપિંડી

પંચવટી સ્થિત ફિનો પેમેન્ટ બેંકના કર્મચારીઓએ કૌભાંડ આચર્યું

શહેરના પંચવટી ખાતે આવેલી ફિનો પેમેન્ટ બેંકના કર્મીઓએ 1.52 કરોડની ઠગાઇ આચરી છે. બેંક માત્ર ગોલ્ડ લોન આપે છે પરંતુ ગોલ્ડ લોનમાં રોકાણ કરાવતી ન હોવા છતાંય કર્મીઓએ કેટલાક લોકો પાસે ગોલ્ડ લોનમાં રોકાણ કરાવ્યુ હતું. ગોલ્ડ લોનમાં રોકાણની સામે વળતરની લાલચ આપી કરોડોની ઠગાઇ આચરી હતી. જેથી આ મામલે આર્થિક ગુના નિવારણ શાખાએ પાંચ લોકો સામે ગુનો નોંધી તપાસ હાથ ધરી છે.