તહેવારમાં અકસ્માતોની વણઝાર, અલગ અલગ વિસ્તારમાં ત્રણ દિવસમાં પાંચનાં મોત

ઓગણજ-લપકામણ રોડ પર સ્કોર્પિયોચાલકે હીટ એન્ડ રન, ગાડી પલટી ખાઇ ગઇ કૃષ્ણનગરમાં મોડી રાત્રે નાસ્તો કરવા નીકળેલી સગીરાનું મોત, સાબરમતી રેલવે સ્ટેશન પાસે બાઇકચાલકે કાબુ ગુમાવતા લોખંડની જાળી સાથે માથું અથડાયું ને ખોપરી ફાટી ગઈ

અમદાવાદ શહેર અને ગ્રામ્યવિસ્તારમાં દિવાળીના તહેવારોમાં અકસ્માતોની વણઝાર વચ્ચે પાંચ લોકોના મોત નિપજ્યા હોવાની ઘટનાઓ પોલીસ ચોપડે નોંધાઇ છે. તમામ ઘટનામાં કેટલાક લોકો મોડી રાત્રે ફરવા નીકળ્યા હોય કે ખરીદી કરવા નીકળ્યા હોય ત્યારે તેમને અકસ્માત નડ્યો હતો. ઓગણજ-લપકામણ રોડ પર હીટ એન્ડ રન સર્જાયો હતો, જેમાં સ્કોર્પિયો કારના ચાલકે પૂરઝડપે ગાડી ચલાવતા એક પરિવાર રોડ પર પટકાયો હતો અને ગાડી થાંભલાને અથડાતા પલટી ખાઇ ગઇ હતી. જ્યારે સાબરમતી રેલવે સ્ટેશન પાસે એક બાઇકચાલક સાસરે જતો હતો ત્યારે કાબુ ગુમાવતા લોખંડની જાળી સાથે અથડાતા તેની ખોપરી ફાટી જતા મોત નિપજ્યું હતું.