વેન્ટિલેશન વિન્ડોમાંથી નહાતી યુવતીનો વીડિયો ઉતારતા યુવક સામે ફરિયાદ

યુવકે વીડિયો ઉતાર્યા બાદ મિત્રોને મોકલ્યો અને ફોનમાંથી ડિલીટ કરી દીધો નરોડા પોલીસે પહેલાં યુવતીની અરજી લીધી તપાસ બાદ ફરિયાદ નોંધી

નરોડા વિસ્તારમાં રહેતી યુવતી સ્નાન કરવા બાથરૂમમાં ગઇ ત્યારે તેના જ વિસ્તારના યુવકે વેન્ટિલેશન વિન્ડોમાંથી તેનો સ્નાન કરતો વીડિયો બનાવ્યો હતો. યુવતીએ બારીમાં જોતા તે યુવક ભાગ્યો હતો. સીસીટીવી ફૂટેજ ચેક કરતા યુવકની ઓળખ થઇ ગઇ હતી. જો કે, તે પહેલાં જ યુવકે મોબાઇલમાંથી પોતાના બે મિત્રોને વીડિયો મોકલી આપી ડિલીટ કરી નાખ્યો હતો. યુવતીએ આ મામલે પહેલાં અરજી કરી હતી. ત્યારબાદ આ મામલે પોલીસે પ્રાથમિક તપાસ બાદ યુવક સામે ફરિયાદ નોંધી તપાસ આદરી છે.