અયોધ્યા ઉત્સવ પછી મંગળવારથી ગુજરાતમાં લોકસભા ચૂંટણી પ્રચારની તડામાર તૈયારીઓ

જે.પી. નડ્ડા ગાંધીનગર લોકસભા કાર્યાલયનું ઉદ્ઘાટન કરશે રાજ્યના અન્ય તમામ 25 લોકસભા મત વિસ્તારમાં પક્ષના કાર્યાલયોનું પ્રમુખ પાટીલની ઉપસ્થિતિમાં વર્ચ્યુઅલી ઉદ્ઘાટન થશે

અયોધ્યામાં રામ મંદિર પ્રાણપ્રતિષ્ઠા પૂરો થતાં જ શાસક પક્ષ ભાજપ દ્વારા લોકસભા ચૂંટણી ૨૦૨૪ની તૈયારીઓને તેજ કરી દેવામાં આવનાર છે. માર્ચના બીજા સપ્તાહ સુધીમાં જાહેર થનારી લોકસભા ચૂંટણી માટે ભાજપે આ વખતે આગોતરી તૈયારીઓ કરી છે. એના ભાગરૂપે ગુજરાત માં મંગળવારે જ તમામ ૨૬ લોકસભા મતવિસ્તારોના ભાજપના કાર્યાલયોને ખુલ્લા મૂકવામાં આવનાર છે. આ નિમિત્તે ભાજપના રાષ્ટ્રીય અધ્યક્ષ જે. પી. નડ્ડા ખાસ ગુજરાતના એક દિવસના પ્રવાસે આવનાર છે.