കൊലപാതക ദൃശ്യങ്ങൾ ഭീകരർ പാകിസ്താനിലേക്ക് അയച്ചു

ഡൽഹിയിൽ മൃതദേഹം മൂന്നു തുണ്ടമാക്കി 

അറസ്റ്റിലായവർ വൻ ഭീകരാക്രമണത്തിന് പദ്ധതിയിട്ടിരുന്നെന്നു ഡൽഹി പോലീസ്

ന്യൂഡൽഹി: ഡൽഹിയിൽ യുവാവിനെ കൊലപ്പെടുത്തി മൃതദേഹങ്ങൾ വെട്ടിമുറിച്ച് ഭീകരർ, കൊലപാതകത്തിന്റെ 37 സെക്കൻഡ് വീഡിയോ പാകിസ്താനിലേക്ക് അയച്ചുകൊടുത്തതായി പോലീസ്.

 ലഷ്കറെ ഭീകരൻ സൊഹെൽ എന്നയാൾക്കാണ് വീഡിയോ ദൃശ്യങ്ങൾ അയച്ചു കൊടുത്തത്. കൊല്ലപ്പെട്ടത് ആദർശ് നഗർ സ്വദേശിയായ 21 വയസുകാരനാണെന്നു തിരിച്ചറിഞ്ഞിട്ടുണ്ട്. കൈയിൽ പച്ചകുത്തിയിരുന്ന തൃശൂലം അടയാളത്തിൽ നിന്നാണ്  ആളെ തിരിച്ചറിഞ്ഞത്. ഇയാൾ മയക്കുമരുന്നിന് അടിമയായിരുന്നുവെന്നും സൂചനയുണ്ട്. എന്നാൽ, ഇയാളെ സംബന്ധിച്ച് കൂടുതൽ വിവരങ്ങൾ പോലീസ് ഇതു വരെ പുറത്തു വിട്ടിട്ടില്ല.