മാലാഖച്ചിറകരിഞ്ഞ് ലഹരിപ്പിശാച്

ഡ്യുട്ടിക്കിടെ യുവ വനിതാ ഡോക്ടർ കൊല്ലപ്പെട്ടു ലഹരിക്കടിമയായ അധ്യാപകൻ അറസ്റ്റിൽ

ചികിത്സയ്ക്കിടെ യുവ വനിതാ ഡോക്ടറുടെ ജീവനെടുത്ത് ലഹരിക്കടിമയായ സ്കൂൾ അധ്യാപകൻ. കേരളം ഇന്നലെ ഉണർന്നെഴുന്നേറ്റതു ഹൃദയഭേദകമായ ദാരുണവാർത്ത കേട്ട്. അപ്രതീക്ഷിത ആക്രമണത്തിൽ ഡോക്ടർ കൊല്ലപ്പെട്ടതു പോലീസുകാരുടെ കൺമുന്നിൽ, കൊല്ലം, കൊട്ടാരക്കര താലൂക്ക് ആശുപത്രിയിലെ ഹൗസ് സർജൻ കോട്ടയം, കടുത്തുരുത്തി മുട്ടുചിറ നസിച്ചിറക്കാലായിൽ കെ.ജി. മോഹൻദാസിന്റെയും വസന്തകുമാരിയുടെയും ഏകമകൾ ഡോ. വന്ദനാ ദാസാ(25)ണ് ഇന്നലെ പുലർച്ചെ നാലരയോടെ ഡ്യൂട്ടിക്കിടെ കൊല്ലപ്പെട്ടത്. ഡോക്ടറെ കുത്തിവീഴ്ത്തിയ കുടവട്ടൂർ ചെറുകരക്കോണം ശ്രീനിലയത്തിൽ ജി. സന്ദീപി(42)നെ പോലീസ് അറസ്റ്റ് ചെയ്തു. ലഹരികടിമയായ പ്രതി കുണ്ടറ, നെടുമ്പന യു.പി. സ്കൂളിൽ അധ്യാപകനാണ്.