പനിയും ചുമയും പടരുന്നു വില്ലൻ H3N2

ജീവഹാനിക്കു കാരണമാകില്ല ഭേദമാകാൻ രണ്ടാഴ്ച ഏപ്രിലോടെ രോഗവ്യാപനം കുറയും

ന്യൂഡൽഹി: രാജ്യത്ത് പലയിടത്തും പനിയും ചുമയും ശ്വാസംമുട്ടലും മൂലം രോഗ ബാധിതർ വർധിക്കുന്നതിനു കാരണം ഇൻഫ്ലുവൻസ എ-യുടെ ഉപവിഭാഗമായ എച്ച് എ വൈറസാണെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് (ഐ.സി.എം.ആർ). രോഗം ബാധിച്ചാൽ ഭേദമാകാൻ രണ്ടാഴ്ചയോളം സമയമെടുക്കുന്നതും രോഗം വ്യാപകമായി പടരുന്നതും ജനങ്ങളിൽ ആശങ്ക വർധിപ്പിച്ച സാഹചര്യത്തിലാണ് ഐ.സി.എം.ആറിന്റെ വിശദീകരണം.

കഴിഞ്ഞ മൂന്നു മാസത്തോളമായി എച്ച് 3എൻ2 പടരുകയാണെന്നും ആശുപത്രിയിൽ ചികിത്സ തേടുന്നവരുടെ എണ്ണം വർധിക്കുകയാണെന്നും കണക്കുകൾ വ്യക്തമാക്കുന്നു. ഈ മാസം അവസാനത്തോടെയോ അടുത്തമാസം ആദ്യത്തോടെയോ രോഗവ്യാപനം കുറയുമെന്നാണു പ്രതീക്ഷ. കൂടുതൽ ആളുകളിലേക്കു രോഗം പടരുന്നുണ്ടെങ്കിലും ജീവഹാനിയുണ്ടാക്കില്ലെന്നും അതിനാൽത്തന്നെ ആശങ്ക വേണ്ടെന്നും ഐ.സി.എം.ആറിലെ വിദഗ്ധർ പറയുന്നു.