തോറ്റാൽ...

മൂന്നാം ഏകദിനം ഇന്ന്

ചെന്നൈ: ഇന്ത്യയും ഓസ്ട്രേലിയയും തമ്മിലുള്ള ഏകദിന ക്രിക്കറ്റ് പരമ്പരയിലെ മൂന്നാമത്തേതും അവസാനത്തേതുമായ മത്സരം ഇന്നു നടക്കും. ചെന്നൈയിലെ എം.എ. ചിദംബരം സ്റ്റേഡിയത്തിൽ പകലും രാത്രിയുമായാണു മത്സരം. പരമ്പര 1-1 നു തുല്യനിലയിലാണ്. ഇന്നു ജയിക്കുന്നവർ പരമ്പര നേടും.

2019 ലാണ് എം.എ. ചിദംബരം സ്റ്റേഡിയത്തിൽ അവസാനം ഏകദിനം കളിച്ചത്. ഓസ്ട്രേലിയ അവസാനം കളിച്ചത് 2017 ലും. അന്ന് മഴ മത്സരം നശിപ്പിച്ചിരുന്നു. ചെന്നൈയിലും പരിസരത്തും ഇന്നലെയും തിങ്കളാഴ്ചയും മഴയുണ്ടായിരുന്നു.

ഇന്ത്യൻ പ്രീമിയർ ലീഗ് ടീം ചെന്നൈ സൂപ്പർ കിങ്സിന്റെ പരിശീലനം മുടങ്ങിയിരുന്നു. ഇന്നത്തെ കാലാവസ്ഥ മത്സരത്തിന് അനുകൂലമാണെന്നാണു സൂചന. പരമ്പരാഗതമായി സ്പിന്നർമാരെ സഹായിക്കുന്ന പിച്ചാണ് ഇവിടെ.