വിലക്കയറ്റത്തിനിടയിലും വൻതോതിൽ സ്വർണം വാങ്ങിക്കുട്ടി ഇന്ത്യ

റിസർവ് ബാങ്ക് ഉൾപ്പെടെ ലോകത്തെ പ്രമുഖ കേന്ദ്രബാങ്കുകളെല്ലാം കരുതൽ ശേഖരത്തിലേക്ക് വലിയ അളവിൽ സ്വർണം വാങ്ങിക്കൂട്ടുന്നുമുണ്ട്

മുംബൈ: ലോകത്തെ രണ്ടാമത്തെ വലിയ സ്വർണ ഉപഭോഗ രാജ്യമായ ഇന്ത്യ, നവംബറിൽ ഇറക്കുമതി ചെയ്തത് 1,486 കോടി ഡോളറിന്റെ (ഏകദേശം 1.26 ലക്ഷം കോടി രൂപ) സ്വർണം. ഇതു റെക്കോർഡാണ്. 2023 നവംബറിലെ 344 കോടി ഡോളറിനെ (28,750 കോടി രൂപ) അപേക്ഷിച്ച് 331% അധികം. കഴിഞ്ഞവർഷത്തെ അപേക്ഷിച്ച് വില വൻതോതിൽ കൂടി നിന്നിട്ടും കഴിഞ്ഞമാസം ഇറക്കുമതി കുത്തനെ കൂടുകയായിരുന്നുവെന്ന് കേന്ദ്ര വാണിജ്യ മന്ത്രാലയത്തിന്റെ കണക്ക് വ്യക്തമാക്കുന്നു.