ગેંગસ્ટર અઝહર કીટલીનો સાગરીત ખંડણી માગવાના ગુનામાં ઝડપાયો

અઝહરને જેલમાંથી છોડાવવા માટે બબલુએ વેપારી પાસેથી પાંચ લાખ રૂપિયા માગી ઘરમાં તોડફોડ કરી હતી

અમદાવાદ, મંગળવાર

જુહાપુરાના ગેંગસ્ટર અઝહર કીટલીના સાગરીત બબલુને ગઇ કાલે ઝોન ૭ની લોકલ ક્રાઇમ બ્રાંચે જુહાપુરામાંથી દબોચી લીધો છે. અઝહર કીટલીએ જેલમાં રહીને એક વેપારી પાસેથી પાંચ લાખ રૂપિયાની ખંડણી માગી હતી જેની ઉઘરાણી કરવા માટે બબલુ ગયો હતો અને તોડફોડની ઘટનાને અંજામ આપ્યો હતો.