વિધાનસભા સત્ર પહેલાં સરકારને રાહતઃ માજી સૈનિકો-એસટી કર્મીઓનું આંદોલન આટોપાયું

સાત સુધારા વિધેયક સાથે આજથી વિધાનસભાના બે દિવસીય સત્રનો પ્રારંભ

અમદાવાદ, બુધવાર

રાજ્યમાં અત્યારે આંદોલનની ભરમાર ચાલી રહી છે. ગાંધીનગરમાં હાલમાં ગુજરાત સરકાર સામે ૨૬ આંદોલનો ચાલી રહ્યાં છે ત્યારે સરકારને વિધાનસભાનું સત્ર શરૂ થાય તે પહેલાં રાહતના સમાચાર મળ્યા છે કે માજી સૈનિકોનું આંદોલન અને સાથે એસટી કર્મચારીઓનું આંદોલન આજે આટોપાયું છે. માજી સૈનિકોના ૧૪ પડતર પ્રશ્નોનું નિરાકરણ લાવવા ઉચ્ચ કક્ષાની સમિતિની રચના સાથે આ આંદોલન પૂર્ણ જાહેર કરવામાં આવ્યું છે.