કચ્છના ધોરડોમાં G-20 પ્રથમ ટૂરિઝમ વર્કિંગ ગ્રુપની બેઠકનો આરંભઃ આજે CMનું સંબોધન

વિદેશી મહેમાનો સફેદ રણમાં કચ્છના રંગે રંગાયા, ધોરડોમાં કેમલ સફારી અને કચ્છી સંસ્કૃતિની ઝાંખી સાથે સ્વાગત

ભૂજ, અમદાવાદ

G-20 સમિટ ભારતમાં યોજાઈ રહી છે, ત્યારે આ G-20માં કચ્છ પણ સામેલ થયું છે. ૭થી ૧૦ ફેબ્રુઆરી સુધી કચ્છમાં આયોજિત G-20 સમિટમાં આજે મુખ્યપ્રધાન ભૂપેન્દ્ર પટેલ અને કેન્દ્રીય મત્સ્યોદ્યોગ -પશુપાલનપ્રધાન પુરુષોત્તમ રૂપાલા TWG ટૂરિઝમ વર્કિંગ ગ્રૂપ G-20નું ઉદ્ઘાટન કરશે, ત્યાર બાદ ગ્રીન ટૂરિઝમ ડિજિટલાઇઝેશન સ્કિલ ટૂરિઝમ એમએસએમઈ અને ડેસ્ટિનેશન મેનેજમેન્ટ એમ પાંચ પ્રાથમિકતા મુદ્દાઓ પર ઊંડાણપૂર્વક ચર્ચા વિચારણા કરવામાં આવશે.