ટ્રાવેલ એજન્ટે ૭૭ વર્ષના વૃદ્ધ સાથે રૂ. ૩.૬૯ લાખની ઠગાઈ આચરી

જગન્નાથ પુરી ખાતે છ દિવસની રહેવા જવાની વ્યવસ્થા કરી આપીશ તેમ કહી રૂપિયા પડાવી લીધા

અમદાવાદ, સોમવાર

સેટેલાઈટમાં રહેતા ૭૭ વર્ષના વૃદ્ધ સાથે ટ્રાવેલ એજન્ટે જગન્નાથ પુરી ખાતે છ દિવસની રહેવા જવાની વ્યવસ્થા કરી આપીશ તેમ કહી રૂ.૩.૬૯ લાખની ઠગાઈ આચરી હોવાની ઘટના સામે આવી છે.

સેટેલાઇટના અગ્રવાલ એપાર્ટમેન્ટમાં રહેતા ૭૭ વર્ષીય મનુભાઈ મોદીએ ઠગાઈની ફરિયાદ આનંદનગર પોલીસ સ્ટેશનમાં નોંધાવી છે. મનુભાઈ ભદ્ર કોર્ટમાં વકીલ તરીકે કામ કરે છે. મનુભાઈ, રશ્મિભાઈ મોદી, અશોકભાઈ, અને હરેશભાઈ મોદી જ્ઞાતિ નામની સંસ્થામાં ટ્રસ્ટી છે.