ગ્રાહકે ૧૬ લાખનો સામાન ખરીદી રૂપિયા નહીં ચૂકવતા વેપારીએ આત્મહત્યા કરી

દીકરીનાં લગ્નની ચિંતા અને આર્થિક હાડમારીથી કંટાળીને બોપલના વેપારીએ અંતિમ પગલું ભર્યું

અમદાવાદ, મંગળવાર

ગ્રાહકે રૂપિયા ૧૬ લાખનો સામાન ખરીદ્યા બાદ પણ તેના રૂપિયા નહીં ચૂકવતા આર્થિક રીતે ભીંસમાં મૂકાયેલા પ્લાયવૂડના એક વેપારીએ આખરે જીવન ટૂંકાવવાની નોબત આવી હતી. શહેરના બોપલ વિસ્તારમાં બનેલી આ ચોંકાવનારી ઘટનામાં દીકરીએ મૃત પિતાનો મોબાઈલ ફોન ચેક કરતા આત્મહત્યા પાછળનું અસલી કારણ સામે આવ્યું હતું અને ત્યારબાદ પોલીસ ફરિયાદ કરવામાં આવી હતી. વેપારીની નજીકના લોકોનો દાવો છે કે દીકરીનાં લગ્નની ચિંતા અને આર્થિક હાડમારીથી કટાળીને વેપારીએ અંતિમ પગલું ભર્યું હતું.