ઉદ્ગમ સ્કૂલના ટ્રસ્ટી પાસેથી રૂ. છ લાખ માગનાર આશિષ કણજરિયા સામે ફરિયાદ

આશિષ વિરુદ્ધ એક જ અઠવાડિયામાં ત્રણ ફરિયાદ નોંધાઈઃ આરટીઆઈ કરીને લાખોનો તોડ કરતો હોવાનો ઘટસ્ફોટ

અમદાવાદ, બુધવાર

શિક્ષણ ક્ષેત્રે આરટીઆઇ કરીને લાખો રૂપિયાનો તોડ કરનાર મહાઠગ આશિષ ઉદ્ગમ કણજરિયા વિરુદ્ધ ક્રાઇમ બ્રાંચમાં વધુ એક ફરિયાદ નોંધાઇ છે. આશિષ કણજરિયા સ્કૂલના ટ્રસ્ટીને વર્ષ ૨૦૧૯થી ફોન કરીને હેરાન-પરેશાન કરતો હતો અને છ લાખ રૂપિયાનું વળતર માગતો હતો. મણિનગરની સ્કૂલના ટ્રસ્ટીએ આશિષ વિરુદ્ધ ક્રાઇમ બ્રાંચમાં કરેલી ફરિયાદ બાદ બીજી સ્કૂલના ટ્રસ્ટીઓ પણ હવે ખૂલીને સામે આવી રહ્યા છે. આશિષ વિરુદ્ધ ગઇ કાલે ત્રીજી ફરિયાદ નોંધાઇ છે.