ગોતા વોર્ડમાં રૂ. ૨૫ કરોડની કિંમતનો પ્લોટ ખુલ્લો કરાયો

ટીપી સ્કીમ નં. ૫૬ના ફાઇનલ પ્લોટ નં. ૨૭૮માં ૧૨ કાચાં-પાકાં બાંધકામ તેમજ ૬૫ મીટરની દીવાલ ઊભી થતાં એસ્ટેટ વિભાગ દ્વારા કાયદાકીય કાર્યવાહી કરાઈ

અમદાવાદ, શનિવાર

મ્યુનિસિપલ કોર્પોરેશનના સત્તાવાળાઓ દ્વારા શહેરનાં ગેરકાયદે બાંધકામ, મ્યુનિ. રિઝર્વ પ્લોટ કે ટીપી રોડ પરનાં દબાણને દૂર કરવાની કામગીરી સતત હાથ ધરાઈ રહી છે. દરમિયાન ઉત્તર-પશ્ચિમ ઝોનમાં એસ્ટેટ વિભાગની ટીમ દ્વારા ગોતા વોર્ડમાં રૂ. ૨૫ કરોડની કિંમતના આ પ્રકારે પ્લોટને ખુલ્લો કરાતાં દબાણ કરનારાં તત્ત્વોમાં ભારે ફફડાટ ફેલાયો છે.