નવા રથમાં બિરાજમાન થઈ નાથ નાકળ્યા નગરચર્યાએ

'જય રણછોડ માખણચોર’, ‘ઓ ડાકોર વાલે આયે..'ના નાદ સાથે અમદાવાદ ભક્તિમય બન્યું: લાખોની સંખ્યામાં જનમેદની ઊમટી પડી

અમદાવાદ, મંગળવાર

આજે ૭ર વર્ષ પછી ભગવાન જગન્નાથ, બહેન સુભદ્રા અને ભાઇ બલરામ નવા રથમાં બિરાજમાન થઇને નગરચર્યાએ નીકળ્યાં છે, જેમની એક ઝલક જોવા માટે લાખોની સંખ્યામાં ભક્તોનું કીડીયારું ઊભરાયું છે. વહેલી પરોઢથી જ રણછોડ, માખણચોર’ના ‘જય ગગનભેદી નારા સાથે ભગવાનની ૧૪૬મી રથયાત્રા નીકળતાં આખું અમદાવાદ ભક્તિમય બન્યું છે. વહેલી સવારે કેન્દ્રીય ગૃહપ્રધાન અમિત શાહે મંગળા આરતી કર્યા બાદ મુખ્યપ્રધાન ભૂપેન્દ્ર પટેલે પહિંદવિધિ કરી હતી. ત્યાર બાદ શહેરમાં દબદબાભેર રથયાત્રા નીકળી હતી. મોડી રાતથી ભક્તોનું ઘોડાપૂર જગન્નાથ મંદિરમાં ઊમટી પડ્યું હતું.