‘મેં ત્રણ મર્ડર કર્યાં છે, તું છૂટાછેડા નહીં આપે તો હું તારું પણ મર્ડર કરી નાખીશ!'

ધમકી અને ત્રાસથી કંટાળીને યુવતીએ ઉંદર મારવાની દવા પીધા બાદ ગળે ફાંસો ખાઈ આત્મહત્યાની કોશિશ કરી: હાલત ગંભીર યુવક પરિણીત હોવા છતાં પીડિત યુવતી સાથે કોર્ટ મેરેજ કર્યાં હતાં યુવકની પહેલી પત્ની પણ તેને માર મારતી હતી

અમદાવાદ, શનિવાર

‘મેં ત્રણ મર્ડર કર્યાં છે, તું છૂટાછેડા નહીં આપે તો હું તારું પણ મર્ડર કરી નાખીશ!' તેમ કહીને યુવતી પર તેના પતિ અને પરિવાર દ્વારા અમાનુષી અત્યાચાર ગુજારવાનો ચોંકાવનારો કિસ્સો પ્રકાશમાં આવ્યો છે. યુવકનાં અગાઉ લગ્ન થઇ ગયાં હોવા છતાંય તેણે પીડિત યુવતી સાથે બીજાં લગ્ન કરી લીધાં હતાં. લગ્ન જીવન દરમિયાન પતિ તેને કેબલથી મારતો હતો અને જ્યારે તેની પહેલી પત્ની પણ યુવતીને માર મારીને ધમકી આપતી હતી. સતત મળતી ધમકી અને ત્રાસથી કંટાળીને આખરે આ યુવતીએ ઉદર મારવાની દવા પીધા બાદ ગળે ફાંસો ખાઈ આત્મહત્યાની કોશિશ કરી હતી. હાલ હોસ્પિટલના આઈસીયુ વોર્ડમાં તેની હાલત ખૂબ ગંભીર હોવાનું જાણવા મળે છે.