લાંબા સમય બાદ સવારે સૂર્યનારાયણે દર્શન દેતાં હવામાન ખુશનુમા બન્યું

હજુ પાંચ દિવસ છૂટોછવાયો વરસાદ રહેશે, ત્યાર બાદ તેના વધુ એક રાઉન્ડ માટે તૈયાર રહેજો

અમદાવાદ, ગુરુવાર

સતત વાદળછાયા વાતાવરણ અને વરસાદી માહોલના કારણે સવારથી જ સૂર્યનારાયણ તેની પાછળ ઢંકાઈ જતા હતા. લોકો પણ ભેજવાળા વાતાવરણથી બફારો અને ઉકળાટ અનુભવતા હતા, જોકે અમદાવાદ સહિત રાજ્યભરમાં વરસાદનું જોર ઘટવા પામ્યું છે. આના સૂર્યનારાયણને પણ વાદળોને ચીરી બહાર ડોકિયું કરવાનો મોકો મળ્યો છે. સવારે સૂર્યનારાયણનાં દર્શન થતાં સમગ્ર હવામાન ખુશનુમા બન્યું હતું. આજે શહેરમાં હળવા વરસાદની આગાહી હોઈ સમગ્ર દિવસ દરમિયાન સૂરજ અને વાદળો વચ્ચે તડકાછાંયાની રમત રમાશે તેવું લાગે છે.