CBSE પરીક્ષાનો કાર્યક્રમ જાહેરઃ ૧૫ ફેબ્રુઆરીથી ૧૦ એપ્રિલ સુધી એટલે કે ૫૫ દિવસ ચાલશે

પ્રેક્ટિકલ પરીક્ષા અંગે સત્તાવાર ડેટશીટ જાહેર નથી કરાઈ પરંતુ જાન્યુઆરીમાં લેવાય તેવી શક્યતા

અમદાવાદ, શનિવાર

સેન્ટ્રલ બોર્ડ ઓફ સેકન્ડરી એજ્યુકેશન CBSE દ્વારા લેવામાં આવી રહેલી આગામી વર્ષની ધોરણ-૧૦ અને ૧૨ની બોર્ડ પરીક્ષાનું શેડ્યૂલ જાહેર કરવામાં આવ્યું છે. સીબીએસઈ દ્વારા શૈક્ષણિક વેબસાઇટ cbse.gov.in ૫૨ તેની ડેટશીટ બહાર પાડવામાં આવી છે. સીબીએસઈની ધોરણ- ૧૦અને ૧૨ની તારીખ પત્રક અનુસાર આ વર્ષે બોર્ડની પરીક્ષા ૫૫ દિવસ એટલે કે અંદાજે બે મહિના ચાલશે. બોર્ડની ધો. ૧૦ અને ૧૨ની પરીક્ષા ૧૫ ફેબ્રુઆરી ૨૦૨૪થી શરૂ થશે અને ૧૦ એપ્રિલ ૨૦૨૪ સુધી ચાલશે. જો કે, પ્રેક્ટિકલ પરીક્ષા અંગેની વિગતવાર ડેટશીટ હજુ સુધી બોર્ડ દ્વારા બહાર પાડવામાં આવી નથી. પરંતુ મોટાભાગે પ્રેક્ટિકલ પરીક્ષા જાન્યુઆરી માસમાં લેવાય તેવી શક્યતા છે.