વિશ્વ પ્રકૃતિ સંરક્ષણ દિવસ રોજ ઊજવાય તો?

દર વર્ષે ૨૮ જુલાઇએ વર્લ્ડ નેચર કન્ઝર્વેશન ડે ઊજવાય છે. આ દિવસનો હેતુ લુપ્ત થઇ રહેલી વનસ્પતિઓ અને જીવોની રક્ષા કરવાનો છે. આવનારી પેઢીને શ્રેષ્ઠ પર્યાવરણની ભેટ આપવી એ આપણી સૌતી સહિયારી ફરજ છે

વર્લ્ડ નેચર કન્ઝર્વેશન ડે ન ગુજરાતીમાં વિશ્વ પ્રકૃતિ સંરક્ષણ દિવસ કહેવાય છે. દર વર્ષે ૨૮ જુલાઇના રોજ આ દિવસ મનાવવામાં આવે છે. આ દિવસ પ્રકૃતિને સમર્પિત છે. એ જાણવું જરૂરી છે કે શા માટે આ દિવસ મનાવવામાં આવે છે. જોકે આમ જોવા જઇએ તો પ્રકૃતિ માટે તો આપણે રોજ ઊજવણી કરવી જોઇએ. જે રીતે આપણે રોજ ખાઇએ છીએ, પીએ છીએ, કામ કરીએ છીએ, શ્વાસ લઇએ છીએ એજ રીતે રોજેરોજ પ્રકૃતિનું જતન થવુ જ જોઇએ. આ કોઇ માત્ર એક દિવસ પૂરતું કામ નથી.

વિશ્વ પર્યાવરણ દિવસે વૃક્ષો વાવવાનાં આપણા સંકલ્પો કેટલા દિવસ સુધી ચાલે છે. આપણે વાવેલાં વૃક્ષોની આપણી જ જિંદગીની જેમ શું કાળજી લઇ શકીએ છીએ. જે પ્રકૃતિ આપણને સર્વસ્વ આપે છે. જેના વગર આપણું જીવન શક્ય નથી તેને આપણે સામે શું આપીએ છીએ. જો આ સમજ દરેક વ્યક્તિમાં વિકસી જાય તો કદાચ આવો એકાદ દિવસ ઊજવવાની જરૂર રહેશે જ નહીં.